टोकियो-उत्तरी जापानको होक्काइदो द्वीपमा बिहीबार ६.६ म्याग्नीच्युडको शक्तिशाली भूकम्प गएको छ। यस भूकम्पपछि भवनहरु भत्किएर र भूस्खलनमा परी आठ व्यक्तिको मृत्यु हुनुको साथै अन्य दर्जनौं बेपत्ता भएको प्रारम्भिक खबर प्राप्त भएको छ ।

गत साता पनि यही क्षेत्रमा आएको शक्तिशाली आँधीमा परेर जनधनको ठूलो क्षति भएको थियो ।  यस क्षेत्रमा विद्युतसेवा उपलब्ध गराइआएको प्रमुख थर्मल प्लान्टमा भूकम्पबाट क्षति पुगेका कारण ३० लाख घरमा विद्युत सेवा अबरुद्ध भएको छ ।

यस भूकम्पको केन्द्रविन्दु क्षेत्रीय राजधानी साप्पोरोबाट ६२ किलोमिटर टाढा रहेकाले सुनामीको चेतावनी भने दिइएको छैन ।  भूकम्पपछि दर्जनौ घरहरु ध्वस्त भएका र भूकम्प प्रभावित इलाकामा रहेका आवासीय दर्जनौं व्यक्तिहरुलाई हेलिकोप्टरको सहयोगबाट उद्धार गरिएको छ।

प्रहरी अधिकारीहरुलगायत करिब २० हजार उद्धारकर्ताहरु परिचालित भएका सरकारका प्रवक्ता योसिहिदे सुगाले बताउनुभएको छ । सो उद्धारकार्यमा अरु करिब २० हजार सैनिकले पनि परिचालन गर्ने तयारी भइरहेको छ ।  मन्त्रिपरिषदको आकस्मिक बैठकपछि बोल्दै जापानका प्रधानमन्त्री सिन्जो आबेले मानिसको ज्यान बचाउन हरसम्भव प्रयास गरिने बताएका छन् । सन् २०११ को मार्च ११ मा जापानमा आएको विनाशकारी ९.० रिक्टर स्केलको भूकम्पपछिको सुनामीमा परी जनधनको ठूलो क्षति भएको थियो ।

भूकम्पपछिको पहिरोमा परि घरहरु पुरिएको त्यहाँको सरकारी संचार माध्यमले जनाएका छन् । भूकम्पपछि ठूलो पराकम्प पनि गएको थियो । केहि शहरहरुमा भूकम्पपछि पहिरो जाँदा धेरै घरहरु पुरिएको हराईरहेका केहि मानिस उद्धार भईरहेको बताईएको छ । हजारौंको संख्यामा उद्धारकर्मीहरु परिचालन गरिएको स्थानीय सरकाले जनाएको छ ।

भूकम्पका कारण होक्काइदो इलेक्ट्रिक पावर कम्पनीको सहयाक उर्जा श्रोतसंगको सम्बन्धविच्छेद हुँदा विद्युत प्रवाह बन्द भएको छ । त्यहाँका ३० लाख घरहरुमा विद्युत आपुर्ति बन्द भएको छ । त्यस्तै साप्पोरो क्षेत्रमा टेलिफोन तथा टेलिभिजन समेत नचलेको बताइएको छ । दक्षिणी होक्काइदोको लगभग ३७ किलोमिटरको गहिराईमा केन्द्रविन्दु रहेको भुकम्प सन् १९९६ यताकै ठूलो मानिएको छ ।एपी