एनपिएल (NPL) को सरगर्मी सुरु भइसक्यो। आज ५ बजेको म्याचमा तपाईं रोहित पौडेलको लुम्बिनी लायन्सलाई सपोर्ट गर्दै हुनुहुन्छ कि दीपेन्द्र सिंह ऐरीको सुदूरपश्चिम रोयल्सलाई ?

गत सिजनको फाइनलमा पराजित भएको सुदूरपश्चिम रोयल्स साविक विजेता लुम्बिनी लायन्ससँग कीर्तिपुरको चिसो मैदानमा गत वर्षको बदला लिने दाउमा छ ।

यो भनेको बदलाको आगो बलेको म्याच हो । गत वर्ष लुम्बिनीले कप उठाएको थियो, सुदूरपश्चिम हेरेको हेरै भयो। आजको म्याचमा दीपेन्द्र ऐरीले रोहित पौडेलको टोलीलाई “पख पख, गत वर्षको हिसाब बाँकी छ” भन्दै टक्कर दिँदै छन्।

कीर्तिपुर (TU) मैदानमा साँझ ५ बजे फ्लडलाइट मुनि खेल सुरु हुँदै छ । चिसो मौसम का कारण मैदानमा बाक्लो शीत (Dew) खस्नेछ। यसले गर्दा दोस्रो इनिङ्समा बलिङ गर्ने टोलीका बलरहरूलाई बल ग्रिप गर्न निकै गाह्रो हुनेछ र बल हातबाट चिप्लने सम्भावना हुने छ।

मलाई लाग्छ शीतको यही प्रभावका कारण टस जित्ने टोलीले बिना कुनै शङ्का पहिले बलिङ रोज्नेछ, ताकी दोस्रो इनिङ्समा ओसिलो पिचको फाइदा उठाउँदै सजिलै लक्ष्य पछ्याउन (Chase गर्न) सकोस्।

मैदान चिसो छ, तर बदलाको तापक्रम उच्च छ ! भाग्यको टस, कीर्तिपुरको शीत र फ्लडलाइटको दबाबबीच भोलि कुन कप्तानले बाजी मार्लान्? रोहितको कप्तानी वा दीपेन्द्रको जादु ? तपाईंको समर्थन कसलाई छ? आफ्नो मनपर्ने टोलीको नाम तल कमेन्ट गर्नुहोस ।