इंग्लिस प्रिमियर लिग फुटबलको नयाँ सिजनको पहिलो खेलमा टोटनह्याम विजयी भएको छ ।

लिग अन्तर्गत शनिबार राति भएको आफ्नो पहिलो खेलमा टोटनह्यामले एस्टन भिल्लालाई ३–१ ले पराजित गर्दै विजयी सुरूवात गरेको हो ।

हिजोको खेलमा पहिलो अग्रता भने एस्टन भिल्लाले लियो। खेलको ९ औ मिनेटमा एस्टन भिल्लाले जोन म्याकजिनको गोलमा अग्रता लिएको थियो।

यसरी १-० ले पछि परेको टोटनह्यामले बराबरीका लागि खेलको ७३ औं मिनेटसम्म कुर्नुपर्‍यो। टानगुरयी डोम्बेलेले टोलीका लागि बराबरी गोल फर्काएका थिए।

बराबरीमा फर्किएको टोटनह्यामका लागि त्यसपछि ह्यारी केनले ४ मिनेटको अन्तरमा लगातार २ गोल गरे। उनले ती गोल क्रमशः खेलको ८६ र ९० औं मिनेटमा गरेका थिए।