चैत्र १९ – दिल्ली क्यापिटल्सबाट इन्डियन प्रिमियर लिग (आइपिएल) खेलिरहेका नेपाली युवा लेग स्पिनर सन्दीप लामिछानेले सन् २०१९ मा सर्वाधिक विकेट लिने स्पिनर बनेका छन् । विश्वका सबै स्पिनरलाई पछाडि छोड्दै सन्दिप टी-२० मा २०१९ को सर्वाधिक विकेट लिने स्पिनर बनेका हुन् । उनले २०१९ मा अहिले सम्म २७ विकेट लिईसकेका छन् ।

गए राती सम्पन्न किंग्स इलाभेन पन्जाव बिरुद्दको खेलमा २ विकेट लिदै सन्दिपले यो ठुलो सफलता हात परेका हुन् । सन्दिपले पन्जाव बिरुद्द ४ ओभरमा २७ रन दिएर २ महत्वपूर्ण विकेट लिएका थिए । उक्त २ विकेट सँगै उनी २०१९ को सर्वाधिक विकेट लिने स्पिनर बनेका हुन् ।

सन्दिपले यो सुचीमा पाकिस्तानका पुर्व कप्तान शाहिद अफ्रिदी, अफ्गानिस्तानका राशिद खान, बंगलादेशका सकिब अल हसनलाई पछाडि पारेका छन् । अफ्रिदीले २६, राशिदले २५ तथा सकिबले २३ विकेट लिएका छन् ।

सन्दीपले बंगलादेश प्रिमियर लिगमा सिल्हेट सिक्सर्सबाट खेल्दै ६ खेलमा ४ विकेट लिएका थिए भने यूएसँगको ३ टी २० सिरिजमा ५ विकेट हात परेका थिए । यूएईसँगको सिरिजपछि पुन बिग ब्यासमा मेलवर्न स्टार्सबाट खेलेका सन्दिपले ३ विकेट लिए ।

बंगलादेश प्रिमियर लिग खेल्न जानु अघि ४ खेलमा ८ विकेट लिएका थिए ।जस मध्य एक विकेट सन् २०१९ मा थियो । पाकिस्तान सुपर लिगमा सन्दीपले ११ विकेट लिए । जारी आईपीएलमा सुरुवाती २ खेलमा ३ विकेट लिएपछि २७ विकेट लिदै २०१९ मा सर्वाधिक विकेट लिने खेलाडी बनेका हुन् ।