नेपाली क्रिकेट टिमले दोस्रो टि–२० खेलमा टस हारेको छ। टस जितेर घरेलु टोलीले पहिले ब्याटिङ गर्ने निर्णय गरेको छ। तीन टी-२० सिरिजको पहिलो खेलमा २१ रनले पराजित भएको नेपालले सिरिजमा रहिरहन आजको खेल जित्नै पर्ने दबाब छ।

पहिलो खेलमा सुरूवाती र मिडिल अर्डर राम्रोसँग चल्न नसक्दा पराजित हुनु परेको नेपालका लागि आजको खेलमा यो गल्ति सच्याउँदै मौका समेत हुनेछ।

दुबईस्थित आइसिसी ग्लोबल क्रिकेट एकेडेमीको मैदानमा हुने खेलमा नेपाली टोलीले आज दुई परिवर्तन गरेको छ।

टोलीमा बसन्त रेग्मी र रोहित पौडेलको स्थानमा पवन सर्राफ र ललितनारायण राजवंशीलाई मौका दिइएको छ।