काठमाडौं-भारतमा फेरि पेट्रोलिम पदार्थको मूल्य बढेको छ । जसले नेपाली बजारलाई समेत प्रभाव पार्ने अनुमान गरिएको छ ।

पछिल्लो समय भारतमा पेट्रोलिम पदार्थको मूल्य बढ्दा नेपालमा प्रभाव परिरहेको छ । भारतमा सरकारले फेरि पेट्रोलियम पदार्थको मूल्य बढाएपछि यसको विरोधमा २१ वटा विपक्षी दलले भारत बन्दको आह्वान गरेका छन् ।

भारतमा पेट्रोलमा २३ पैसा बढेको छ भने डिजेलमा २२ बढेको हो । भाउ बढेसँगै अब दिल्लीमा प्रतिलिटर पेट्रोलको मूल्य भारु ८० रुपैयाँ ७३ कायम गरिएको छ भने मुम्बईमा प्रतिलिटर पेट्रोलको भारु ८८ रुपैयाँ १२ पैसा मूल्य पुगेको छ ।

यस्तै डिजेलमा पनि २२ पैसाले भाउ बढेको छ । दिल्लीमा डिजेल प्रतिलिटर भारु ७२ रुपैयाँ ८३ पैसा पुग्दा मुम्बईमा ७७ रुपैयाँ ३२ पैसा कायम गरिएको छ ।

लगातारमा पेट्रोलिम पदार्थको मूल्य बढाएको विरोधमा कांग्रेससहित विपक्षी २१ दलले भारत बन्द आह्वान गरेका छन् । बन्द आह्वान भएसँगै कर्नाटक सरकारले सबै शिक्षण संस्थामा विदा दिएको छ ।