काठमाडौं-ललितपुरका रविन्द्र बज्राचार्य काँकडभिट्टाबाट पक्राउ परेका छन् । उनी १२ लाख ८० हजार भारतीय रुपैयाँसहित पक्राउ परेका हुन् ।

प्रहरीका अनुसार आज बिहान भारतबाट नेपाल प्रवेश गर्ने क्रममा मेची भन्सार कार्यालयमा उनी पक्राउ परेका हुन् । एक्सरे मेसिनले झोला स्क्यान गर्दा १२ लाख ८० हजार भारतीय रकमसहित रविन्द्र बज्राचार्यलाई भन्सार कार्यालयले जानकारी दिएको छ ।

बज्राचार्यलाई आवश्यक कारबाहीका लागि राजस्व अनुसन्धान विभाग पठाइएको छ । भन्सार प्रमुख अर्याललका अनुसार बरामद भएको रकमसहित उनलाई राजस्व अनुसन्धान विभाग पठाइएको हो । पक्राउ परेका बज्रचार्य बिहान साँढे सात बजेनै भारतबाट नेपाल प्रवेश गरेका थिए ।

बज्राचार्यको झोलाबाट ५०, १०० र २०० का नोट फेला परेको मेची भन्सार कार्यालय काँकरभिट्टाका प्रमुख टेक बहादुर अर्यालले बताए ।