मेलम्ची १, दोश्रो मेलम्ची नगर स्तरीय खुल्ला पुरुष भलिवल प्रतियोगिता यहि कार्तिक १३ देखी सुरु भइ १५ गते मेलम्ची नगरपालिका वडा नं १ भोटेचौर बजारमा सम्पन्न भएको छ ।

मेलम्ची नगरपालिका वडा नं १ द्वारा मुल आयोजक समिति गठन गरिएको थियो । दिपक चौलागाई संयोजक रहेको उक्त भलिवल प्रतियोगिताको प्रमुख अतिथिको रुपमा मेलम्ची न.पा.को उपमेयर उमा प्रधान रहनुभएको थियो भने विशेष अतिथिको रुपमा मेलम्ची न.पा. १ को वडा अध्यक्ष कृष्ण मुरारी चौलागाई रहनु भएको थियो ।

१३ वटा टिम सम्मीलित भलिवल प्रतियोगितामा उर्गेन क्षेखोलिङ गुम्बा मेलम्ची ८ ले प्रथम, मेलम्ची ६ तालामाराङले द्धितिय, दुवाचौर सल्ले तृतिय र श्रृजनसिल युवाक्लवले चौथो स्थान हासिल गर्न सफल भएका थिए ।

उक्त प्रतियोगितामा प्रथम हुनेलाई रु १ लाख, द्धितिय हुनेलाई रु ५० हजार , तृतिय हुनेलाई रु २५ हजार र चौथो हुने खेलाडीहरुलाई रु १० हजार पुरस्कार सहित सम्मान गरिएको थियो । सोही अवसरमा ७ जनालाई विविध विधामा उत्कृष्ठ छनोट हुने खेलाडीहरुलाई थप पुरस्कार सहित सम्मान गरिएको छ ।

मेलम्ची नगरपालिका वडा नं १ सहित अन्य खेलप्रेमी व्यक्तित्वहरुको आर्थिक सहयोग रहेको दोस्रो मेलम्ची नगर स्तरीय खुल्ला पुरुष भलिबल प्रतियोगिता भव्य रुपमा सम्पन्न भएको छ ।