नारायणगढ–मुग्लिन सडकखण्डमा पुनः पहिरो खसेका कारण सडक अवरुद्ध बनेको छ । गएराति करिब ८:४५ बजे पहिरो खसेको हो । चारकिलोको पहिरो ३६ घण्टामा पन्छाएर मंगलबार दिउँसो ४:३० बजे सडक एकतर्फी खुलाइएको थियो ।  

भरतपुर महानगरपालिका–२९ स्थित पन्ध्रकिलो नजिक बतासेडाँडामा पहिरो खसेको हो ।डिभिजन सडक कार्यालय भरतपुरका प्रमुख ईन्जिनियर कृष्णराज अधिकारीका अनुसार चारकिलोको पहिरो पन्छाएर सडक एकतर्फी बनाएको केही घण्टामै पुनः पहिरो खसेको छ।  ठूलो चट्टानसहित पहिरो खसेका कारण पहिरो पन्छाउन के–कति समय लाग्छ अहिले भन्न नसकिने अधिकारीले जानकारी दिए ।