चैत्र २० – टोकीयो ओलम्पिक २०२० एसिया छनोटको दोस्रो चरणको पहिलो खेलमा आज नेपाल र आयोजक म्यानमार बिच खेल हुँदैछ । समुह ‘ए’ मा रहेका नेपाल र म्यानमार आज भिड्न लागेका हुन् ।  खेल नेपाली समय अनुसार सवाँ ५ बजे सुरु हुनेछ ।नेपालसँगै समूह ‘ए’ मा आयोजक म्यानमार, भारत र इन्डोनेसिया रहेका छन् ।

नेपाल र म्यानमार बिच पछिल्लो समय तीन पटक भेट भएको छ । जसमा पल्ला म्यानमारको भारी रहेको छ । नेपालले पहिलो चरणमा म्यानमारलाई १-१ को बराबरीमा रोकेको थियो । तर त्यसपछि हिरो गोल्डकपको दुवै खेलमा भने नेपाल म्यान्मार सँग पराजित भएको थियो । दोस्रो चरणको छनोटबाट एक टोली मात्र अगाडी बढ्ने भएकोले यस खेललाई निकै महत्त्वका साथ हेरिएको छ ।

नेपाल गत नोभेम्बरमा भएको पहिलो चरणको छनोटमा समूहको उत्कृष्ट तेस्रो टोली बन्दै दोस्रो चरणमा स्थान बनाएको सफल भएको थियो । छनोटमा अपराजित रहेको नेपालले भारत, म्यानमार र बंगलादेशसँग समान १–१ को बराबरी खेलेको थियो ।साफ च्याम्पियनसिपमा मात्रै सिमित नेपाली महिला टिम पहिलो पटक ओलम्पिक छनोट खेलेको हो ।