काठमाडौं । नेपाली राष्ट्रिय क्रिकेट टिमका कप्तान पारस खड्का र नेपाली बलर सोमपाल कामीले टी–२० वरियतामा छलाङ मारेका छन् । आईसीसीले सोमाबार सार्वजनिक गरेको टी–२० वरीयताको अलराउण्डर तर्फ पारस ४० औं स्थानमा उक्लिन सफल भएका छन् । यसअघि उनी अलराउण्डर तर्फ ४३ औं स्थानमा थिए ।

पारस ब्याट्सम्यान तर्फ ९३ औँ स्थानमा थिए । उनी ब्याट्सम्यानतर्फ ३०५ अंकका साथ ९० औँ स्थानमा रहेका छन् । पारस कुल ७६ रेटिङका साथ ४० औँ स्थानमा रहेका छन् ।

यस्तै नेपाली बलर सोमपाल कामी टी–२० तर्फ अलराउण्डमा ५१ औँ स्थानमा छन् । यसअघि उनी ६४ औं स्थानमा थिए । टी–२० बलरको वरीयतामा सोमपाल ७० तथा बसन्त रेग्मी ७१ औं स्थानमा छन् ।