काठमाडौं-लमजुङको मस्र्याङ्दी–३ अर्खलेमा पहिरोमा परेर मृत्यु हुनेको संख्या चार पुगेको छ। बुधबार आएको पहिरामा पहिरोमा बेपत्ता भएका मध्ये एक जानको शव बिहिबार फेला परेसँगै मृत्यु हुनेको संख्या चार पुगेको हो।

७० वर्षीया ललितमाया गुुरुङको शव बिहिबार बिहान फेला परेको थियो। अझै एकजना बेपत्ता रहेको प्रहरीले जनाएको छ ।

पहिरोमा पुरिएर बुधबार मस्र्याङ्दी–३ खुदी पल्लोटारीका ६० वर्षीया अभिरुपा थापा, १० वर्षीय सिराक थापा र मस्र्याङदी–४, श्रीचौरीकी अन्दाजी ४५ वर्षीय विष्णु गुरुङको मृत्यु भएको थियो।

त्यस्तै मस्र्याङ्दीले बगाएका दुईजना अझै बेपत्ता छन् । बेशीशहर नगरपालिका–१० चितिमा निर्माणाधीन तल्लो दोर्दी जलविद्युत् आयोजनाका श्रमिक बलिराम चौधरी र लक्ष्मण थारूलाई मस्र्याङ्दीले बगाएको हो।