-
बालकृष्ण देउजा, सामाजिक बिकास बिद
जलबायु परिवर्तन अव देख्न र अनुभुति गर्न नसकिने सवालको रुपमा सिमित रहेन । केहि बर्ष अघि सम्म हिंउ पर्ने ठाउँहरुमा अहिले टुसारो पर्न छोड्यो । सेता पहिरनमा हारमा मिलेर बसे जस्ता देखिने हिमालहरु काला परिहनमा देखिन थाले । वर्षातको समयमा पनि पानीका मुलहरु फुट्न छोड्यो । खानेपानीका मुलहरु सुक्न थाले, चिसोमा अत्यधिक चिसो र गर्मिमा सहनै नसक्ने गरी गर्मि हुन थाल्यो । तराइमा सुन्तला फल्न थाल्यो । फल फल्ने बेला, फुल फुल्न र फुल फुल्ने बेला फल लाग्न लाग्यो । यी सवै देख्न र भोग्न बाध्य जलबायु परिवर्तनका लक्षणहरु हुन । यो परिवर्तन घट्दो नभएर दिनानु दिन बढ्दो छ । हाम्रा आँखा अगाढीका यी परिवर्तनहरुमा नेपाल र नेपाल जस्ता अल्पबिकशित मुलुकहरुको भुमिका छैन भन्दा पनि हुन्छ तर पनि अल्प बिकशित मुलुकहरुलाइ यसले सवै भन्दा बढि प्रभाव पारेको छके हो जलबायु परिवर्तन ?
पृथ्बी, जल, बायु र सुर्यबाट उत्पन्न हुने बिकिरणहरुको सन्तुलन नै सन्तुलित जलबायु हो । कहिले काँही पृथ्वी बायु र जलका बिचमा असन्तुलन पैदा हुन्छ, यसलाइ अस्वभाबिक र जलबायु परिवर्तनको अशर मान्न सकिंंदैन । सुर्यबाट पृथ्वीका लागि जति मात्रामा बिकिरणहरु प्राप्त हुन्छन ति सवै बिकिरणहरु जव सम्म सुर्यमण्डलमा परावर्तन हुन्छन, त्यो बेला सम्म जलबायुको सन्तुलन कायम रहन्छ । जब–जब क्लोरोफोलोरो कार्बन जस्तो बिषाक्त ग्याँस बायुमण्डलमा रहन थाल्छ, त्यस बेला देखि पृथ्बीको तापाक्रम बढ्न थाल्छ । सौर्य मण्डल बाट पृथ्बीका लागि प्राप्त भएका बिकिरणहरु परावर्तित भएर सौर्य मण्डलमा नपुगि बायुमण्डलमा नै रहनाले पृथ्बीको तापाक्रम बढ्न थालेको हो । यसले सुर्य, पृथ्बी, जल र बायुको सन्तुलन बिगारी दिन्छ यसलाइ नै जलबायु परिबर्तन भनिन्छ ।
बिशेषत इन्धनको अत्यधिक प्रयोग, बन जंगलको बिनाश, कोइला ग्याँस, खनिज तेल जस्ता बस्तुको अधिक उपयोग, भु–क्षयीकरण, खेतीपाती र रेफ्रिजेरेटरको बढ्दो प्रयोगले कार्बनडाइ अक्साइडको उत्सर्जन बढाइ रहेको छ । कार्वन डाइअक्साइडको अवशोषण गर्ने बन–जंगलको बिनाशले बातावरणीय प्रतिकुलताहरु जन्माइ रहेको छ । संसारका बिकशित मुलुकहरु आज आणबिक हतियारको उत्पादन भण्डारण गरीरहेका छन । यो जलबायु परिर्वतनका लागि अर्को कारक तत्व हो ।
जलबायु परिवर्तनको प्रभाव कहिले बाट ?
सन १९६० को दशक बाट संसारमा तिब्र औधोगिक बिकासको थालनी र त्यस यता भएका अत्यधिक जनसंख्या बृद्दिका कारण जलबायुमा अशर देखिन थाल्यो । औधोगिक बिकासको थालनी भएको दुइ दशक नपुग्दै अर्थात १९७९बाट नै यसको प्रभाव पृथ्बीको उत्तरी धु्रबमा जमेको हिउँको सतह घट्न थाल्यो ।
६० को दशक बाट नै तिब्र रुपमा खाध्य अभावको आपुर्तिकालागि हरीत क्रान्तिको थालनी भयो । हरीत क्रान्तिका लागि हरीत गृहहरुको निर्माण तिब्र हुन थाल्यो । हरित गृहहरुले सुर्यको बिकिरणहरु शोषण गरेर जमिनमा परावर्तन गरी दिन थाल्यो । यसले पनि पृथ्बीको तापाक्रम बढाउनमा सघायो । कृषि उपज बृद्दिका लागि रसायनिक,मल, किट बिषादीको अत्यधिक प्रयोग जस्ता कार्यहरु यस बेला बाट तिब्र गतिमा शुरु भयो । त्यस्तै पेट्रोलियम पदार्थको प्रयोग छोटो अवधिमा ह्वात्तै बढेर गयो । कोइला, ग्याँस लगायतका खनिज पदार्थहरुको अधिक दोहन पनि यसै बेला बाट हुन थाल्यो ।,
अत्यधिक जनसंख्याको बृद्दिदरलाइ व्यवस्थापन गर्न ब्यापक रुपमा बन बिनाश हुन थाल्यो । बन जंगल फडानि गरेर खाध्यवालीको थालनी भयो । यस बाट पनि कार्वनको शोषणमा कमि हुन थाल्यो । पृथ्बीको तापाक्रम बढाउनमा यो अर्को कारण बन्न पुग्यो ।जलबायु परिवर्तनको अशर
नेपालमा प्रति बर्ष ०.०४ डिग्री सेल्सीयसका दरले तापाक्रम बढ्दै गएको छ । यो बृद्दि संसारको औषत तापाक्रमको बृद्दि भन्दा धेरै हो । यसको प्रभाव नेपालको उच्च भु–भागमा तुलनात्मक रुपमा बढि पर्न थालेको छ । नेपालका लागि यो अर्को खतरनाक संकेत हो । हिम तालहरुको निमार्ण र फुट्ने क्रम बढ्नु जलबायु परिवर्तनका कारणहरु हुन । नेपालमा त्यस्ता जोखिमयुक्त तालहरु २० वटा भन्दा बढि छन । यी तालहरु कुनै पनि बेला फुट्न सक्छन । उच्च भुभागमा रहेका यी तालहरु फुटनाले त्यस भन्दा तल तिरका बस्तिहरुको अस्तित्व नै समाप्त हुन सक्छ । यस वाट ठुलो धन–जनको क्षेती हुने निश्चित छ ।
जलबायु परिवर्तनको अशर सवै तिर परेको छ । कृषि क्षेत्रमा परेको प्रभाव एउटा उदाहरण मात्र हो । कतिपय पुराना बोट बिरुवाहरु मासिने र नयाँ बोटबिरुवाहरु देखापर्न थालेका छन । पानीको वर्षामा कमि आएको छ । सिंचाइको श्रोतको रुपमा रहेका खोला खोल्साहरु सुक्न थालेका छन । भुगर्भमा पानीको श्रोतहरु घट्दै गएको छ । वालीनाली चक्रमा नै परिवर्तन आइएकाले भोकमरी लाग्ने अवस्था उत्पन्न हुन सक्ने सम्भावना छ । जलबायु परिवर्तनका कारण नेपाल जस्तो अल्प–बिकशित मुलुक र यसमा पनि गरीब, असाह्य, जेष्ठ नागरीक, महिला बालवालिका उच्च जोखममा रहेका छन ।कसरी कम गर्न सकिन्छ, जलबायु परिवर्तनको अशर ?
News Desk 0 response सोमवार, पुस १६, २०७५
अहिले भैरहेको कार्बन उत्सर्जनमा नेपालको हिस्सेदारी ०.०२५प्रतिशत रहेको छ । यो नगण्य अशर हो । तर पनि आगामी दिनमा कार्वन उत्सर्जनलाइ कम गर्न वा बढ्न नदिन बन–जंगलको बृद्दि र बिकासमा ध्यान दिनु पर्छ । अहिले उत्सर्जन हुने ६० प्रतिशत कार्बनडाइ अक्साइड ग्याँस बनले सोस्न सक्छ । तसर्थ सडकको आसपास नदी नालाको छेउछाउ र खाली जमिनमा बृक्षारोपण गर्नु उपुर्युक्त हुन्छ । यसले शुन्दरता बढाउनका साथै चिस्यान कायम गर्न र स्वस्थ हावा उपलव्ध गराउन मद्दत गर्छ । त्यस्तै कृषिमा रसायनिक मल र रसायनिक किट बिषादीको बिकल्पमा प्राङगारीक मलहरुको प्रयोग गर्ने, जमिनलाइ क्षेयीकरण हुन बाट बचाउने कुराले हाम्रो जस्तो देशमा जलबायु अनुकुलन कायम गर्न सहयोग पुग्ने देखिन्छ ।
कार्बनको व्यपार कि उत्सर्जनमा नियन्त्रण ?
अत्यधिक रुपमा कार्बन उत्सर्जन गर्ने देशहरुले कम कार्बन उत्सर्जन गर्ने देशलाइ दिने आर्थिक सहयोगलाइ कार्बन व्यापार भनिएको छ । अति बिकशित मुलुकहरुले गर्ने कार्बन उत्सर्जन र यसले अल्पबिकशित मुलुकहरुलाइ पार्ने प्रभाव बापत गरीने सहयोग क्षेतिपुर्ति बापत कै सहयोग हो । तसर्थ यो सहयोगलाइ कार्बन व्यापार होईन अत्यधिक रुपमा कार्बन उत्सर्जन गरे बापतको क्षेतिपुर्ति भन्नु उपुर्युक्त हुन्थ्यो । बिकशित मुलुकहरुका लागि कार्बन उत्सर्जन घटाउँदा ठुलो क्षेती हुने भएकाले उनीहरुले कार्वन उत्सर्जनलाइ घटाउने भन्दा कार्बन कम उत्सर्जन गर्ने देशलाइ आर्थिक सहयोग गर्ने निती क्योटो अभिसन्धि बाट पारीत गरे । त्यस बेला देखि कार्बन ब्यापारको नाममा बिकशित मुलुकहरुले पर्याबरणीय सन्तुलनलाइ कम्जोर बनाउने बैधानिक छुट पाए । कार्वन व्यापार बाट अल्प बिकशित मुलुकहरुलाइ ठुलो धनरासी त प्राप्त हुने नै छ । तर त्यो धन रासीले तातेको समुन्द्र सेलाउन सहयोग गर्न सक्दैन र बढेको समुन्द्रको सतहलाइ फेरी घटाउन पनि सक्दैन, फुटेका हिमतालहरु जोडिंदैनन र हिमालमा हिंउ पार्न सकिंदैन । यसरी सबै कुरा गुमाएका मुलुकहरुले आर्थिक सम्बृद्दि चाहि कसरी प्राप्त गर्न सक्छन ? बिकशित मुलुकहरु सँग कार्बनको ब्यापार गर्नु भनेको पैसा लिएर जलबायुको असन्तुलनलाइ सहज स्वीकार्नु हो ।
तसर्थ अल्पबिकशित मुलुकहरुले कार्वनको ब्यापार नगरेर आज सम्म बिकशित मुलुकहरुले जलबायुको सन्तुलनमा पुर्याएको अशर बापतको क्षेतिपुर्ति लिने र आगामि दिनहरुमा कार्वनको उत्सर्जनलाइ घटाउन बिकशित मुलुकहरुलाइ बाध्य पार्ने निती लिनु नै अल्प बिकशित मुलुकहरुका निमित्त बुद्दिमानी हुने छ ।
बालकृष्ण देउजा, सामाजिक बिकास बिद
सम्बन्धित शीर्षकहरु
१ करोड लागतमा त्रिपुरासुन्दरी गाउँपालिका वडा नम्बर ५ को वडा कार्यलय निर्माण सम्पन्न
शनिबार, बैशाख १५, २०८१जलस्रोत तथा सिँचाइ विभागको महानिर्देशकमा सञ्जीव बराल नियुक्त (फोटोफिचर)
सोमवार, बैशाख ३, २०८१जलस्रोत तथा सिँचाइ विभागले मनायो सिँचाइ दिवस एवं ७१औँ वार्षिकोत्सव (फोटोफिचर)
सोमवार, चैत्र २६, २०८०चुस्त दुरुस्त ढंगले सेवा प्रवाह गर्ने छु : प्रदिप बान्तवा
शुक्रबार, फाल्गुन २५, २०८०-
१ करोड लागतमा त्रिपुरासुन्दरी गाउँपालिका वडा नम्बर..
शनिबार, बैशाख १५, २०८१ -
जलस्रोत तथा सिँचाइ विभागको महानिर्देशकमा सञ्जीव बराल..
सोमवार, बैशाख ३, २०८१ -
जलस्रोत तथा सिँचाइ विभागले मनायो सिँचाइ दिवस..
सोमवार, चैत्र २६, २०८० -
चुस्त दुरुस्त ढंगले सेवा प्रवाह गर्ने छु..
शुक्रबार, फाल्गुन २५, २०८० -
कञ्चनजङ्घा हिमशृङ्खला क्षेत्र : लयमा फर्किँदै पर्यटकको..
बिहिबार, फाल्गुन २४, २०८०
-
१ करोड लागतमा त्रिपुरासुन्दरी गाउँपालिका वडा नम्बर..
शनिबार, बैशाख १५, २०८१ -
जलस्रोत तथा सिँचाइ विभागको महानिर्देशकमा सञ्जीव बराल..
सोमवार, बैशाख ३, २०८१ -
जलस्रोत तथा सिँचाइ विभागले मनायो सिँचाइ दिवस..
सोमवार, चैत्र २६, २०८० -
चुस्त दुरुस्त ढंगले सेवा प्रवाह गर्ने छु..
शुक्रबार, फाल्गुन २५, २०८० -
कञ्चनजङ्घा हिमशृङ्खला क्षेत्र : लयमा फर्किँदै पर्यटकको..
बिहिबार, फाल्गुन २४, २०८०
-
१ करोड लागतमा त्रिपुरासुन्दरी गाउँपालिका वडा नम्बर..
शनिबार, बैशाख १५, २०८१